قصيدة إحساس ثــاني

بواسطة Abdulrhman Alharthy يوم الخميس، أغسطس 01، 2013 القسم : 0 التعليقات

 
إحساس ثاني
للشاعر : عبد الرحمن بن مقبول الشهيب الثبيتي
 
 
صعبه تحس احساس ضيم المساجين
                احساسهم فيه العنــــا شي ثاني
من بعدهم في سجنهم تدمع العين
                 بين الامل عاشو وبين الاماني
مستقبل المجهول والواقع الشين
              وحسابهم للوقت عد الثواني
اللي بلاه الوقت واللي من الدين
             واللي من ضروفه يعاف الزماني
واللي بلاه الجهل مسكين مسكين
            واللي عطا نفسه هواها مداني
فيه الندم يجري بدم الشرايين
            وفيه الالم مايحتويه المكاني
اللي وراه اطفال عطشا مساكين
           تيتموا  في حضرته كم يعاني
دنيا البلا ياضيم كل العناوين
            والعولمه بالعصر غابت مباني
من ضلمها ياضلمهم والخفي وين
            اعظم من الضاهر بشام ويماني
ماتبصر الثورات من وين لا وين
            في سجن اكبر له مطار ومواني
ياصبرهم صبر الذي بين نارين
           نار الفراق ونار عيش الهواني
لا لاتهكم توصف الدمع ويدين
           من برجك العاجي وصوت الاغاني
يبليك ربي تذرف الدمع بعدين
              تبكي مع حروفك وتذكر معاني
صعبه تحس احساس ضيم المساجين
               احساسهم فيه العنــــا شي ثاني
 
مشاركة

0 التعليقات:

إرسال تعليق

تصميم وتطوير منتديات سامي